Лінкі ўнівэрсальнага доступу

Савецкі КГБ кантраляваў выбары патрыярха ў 1945-м


Памесны сабор Рускай праваслаўнай царквы, на якім у 1945 годзе быў абраны маскоўскі патрыярх, праходзіў пад кантролем Народнага камісарыяту дзяржаўнай бясьпекі (НКДБ) — папярэдніка КГБ СССР.

Пра гэта сьведчаць архіўныя дакумэнты былога ўпраўленьня КДБ Украіны, зь якіх Служба бясьпекі Ўкраіны зьняла грыф сакрэтнасьці. Аб гэтым у нядзелю 10 сьнежня паведаміла выданьне Znak.com. Частка дакумэнтаў у выглядзе фатакопій публікуецца і абмяркоўваецца ў сацыяльных сетках.

З рассакрэчаных дакумэнтаў вынікае, што НКГБ СССР і яго падразьдзяленьні ў саюзных і аўтаномных рэспубліках, краях і абласьцях займаліся падборам кандыдатаў для ўдзелу ў саборы зь ліку духавенства і сьвецкіх. З гэтай мэтай патрабавалася намеціць «асобаў, якія маюць рэлігійны аўтарытэт сярод духавенства і вернікаў і ў той жа час правераных на агентурнай або патрыятычнай працы».

«Важна забясьпечыць, каб у ліку вызначаных кандыдатаў пераважалі агенты НКГБ, здольныя правесьці на саборы патрэбную нам лінію», — гаворыцца ў лісьце, накіраваным у верасьні 1944 году на месцы з подпісам начальніка 2-га ўпраўленьня НКГБ СССР Фядотава і кіраўніка пятага аддзелу 2-га ўпраўленьня Карпава.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG