Выбух адбыўся ўвечары 9 сьнежня, калі аўтобус стаяў на паркоўцы. Была пашкоджаная ашалёўка, а таксама бакавая шыба аўтобуса. Унутры транспартнага сродку ў момант выбуху нікога не было. Пацярпелых няма, паведаміў мясцовы дэпутат Ігар Зінкевіч.
Міністар замежных справаў Украіны Павел Клімкін назваў напад на польскі аўтобус «правакацыяй», зьвязанай з прызначаным на 13 сьнежня візыам прэзыдэнта Польшчы Анджэя Дуды. «Зробім усё, каб расьсьледаваць гэты інцыдэнт», — заявіў Клімкін.
Анджэй Дуда, як чакаецца, 13 сьнежня сустрэнецца ў Кіеве з прэзыдэнтам Украіны Пятром Парашэнкам.