Тады ў выніку ракетнага абстрэлу паветранага ляйнэру загінулі 298 пасажыраў і чальцоў экіпажу, большасьць ахвяраў мелі грамадзянства Нідэрляндаў.
Чалавек, пра якога ідзе гаворка ў перахопленых тэлефонных размовах, фігуруе пад пазыўным «Дэльфін». Гэтыя запісы апублікаваныя Міжнароднай сьледчай групай па расьсьледаваньні катастрофы і Службай бясьпекі Ўкраіны.
Экспэрты Bellingcat і The Insider сьцьвярджаюць, што «Дэльфін» — гэта генэрал-палкоўнік расейскай арміі ў запасе, дзейны галоўны інспэктар Цэнтральнай ваеннай акругі Міністэрства абароны Расеі Мікалай Ткачоў.
Запісы перамоваў, на якіх гучыць голас «Дэльфіна», сталі набыткам галоснасьці неўзабаве пасьля авіякатастрофы. Міжнародная сьледчая група заклікала ўсіх, у каго ёсьць хоць нейкая інфармацыя аб людзях, якія фігуруюць у запісах, паведаміць сьледзтву. Размовы, як мяркуецца, адбыліся незадоўга да трагедыі.
Асаблівую цікавасць, па словах сьледчых, уяўляюць фігуранты з пазыўнымі «Дэльфін» і «Арыён».
Сам Ткачоў заяўляе, што ня мае ніякага дачыненьня да падзеяў на ўсходзе Ўкраіны.
Зьмест і падрабязнасьці гэтай гісторыі — на сайце Расейскай службы Радыё Свабода
