Сэнатар Эл Франкэн заявіў, што падасьць у адстаўку «ў найбліжэйшыя тыдні». Палітыка абвінавачваюць у сэксуальных дамаганьнях. Франкэн — ужо другі дэмакрат на гэтым тыдні, які абвясьціў аб намеры падаць у адстаўку з прычыны падазрэньняў у непрыстойных паводзінах.
Больш за дваццаць сэнатараў-дэмакратаў заклікалі Франкэна пакінуць пасаду пасьля таго, як у СМІ зьявіліся паведамленьні аб тым, што былая супрацоўніца Кангрэса паскардзілася на яго за спробы гвалтоўна пацалаваць яе ў 2006 годзе.