Лінкі ўнівэрсальнага доступу

Мадрыд адклікаў ордэр на арышт былога кіраўніка Каталёніі


Карлес Пудждэмон у Брусэлі, пасьля выданьня ордэру на яго арышт Вярхоўным судом Гішпаніі

Гішпанскі судзьдзя адклікаў міжнародны ордэр на арышт былога кіраўніка рэгіянальнага ўраду Каталёніі Карлеса Пудждэмона і чатырох міністраў яго кабінэту.

Як паведамляе Бі-Бі-Сі, судзьдзя сказаў, што міністры па-ранейшаму могуць быць абвінавачаныя за падбухторваньне да бунту і бунт супраць дзяржавы, але яны выказалі гатоўнасьць вярнуцца ў Гішпанію перад рэгіянальнымі выбарамі, назначанымі на 21 сьнежня.

Пудждэмон і чатыры згаданыя міністры выехалі ў Бэльгію месяц таму, пасьля абвяшчэньня Каталёніяй незалежнасьці ў аднабаковым парадку ў выніку рэфэрэндуму, які быў прызнаны незаконным.

4 сьнежня шэсьць іншых міністраў былога каталёнскага ўраду былі вызваленыя з турмы пад Мадрыдам пад заклад. Двое іншых знаходзяцца пад вартай.

XS
SM
MD
LG