Літоўскі партал RU.DELFI паведамляе, што беларусы цікавяцца танным жытлом у вёсках толькі да атрыманьня шэнгенскіх візаў, а атрымаўшы іх, едуць на заробкі ў Эўропу. Набытая імі маёмасьць, паводле тэлеканалу TV3, развальваецца, назапашваюцца даўгі. Знайсьці ўладальнікаў гэтых кватэраў практычна немагчыма.
Адна з упадабаных беларусамі вёсак — Кубілінай. У ёй ёсьць тры васьмікватэрныя дамы. Насамрэч жыхары ёсьць толькі ў некалькіх кватэрах. Жыхарка аднаго з дамоў расказала тэлеканалу, што адбываецца ў вёсцы:
«Першы дом пусты. У другім жыве адзін чалавек, у трэцім — дзьве жылыя кватэры». Жанчына сказала, што, нягледзячы на тое, што дамы пустуюць, у кожнай кватэры ёсьць гаспадар. Дзьве кватэры належаць мясцоваму фэрмэру, іншыя — іншаземцаў. «Іншаземцы прыяжджалі адзін раз, фатаграфавалі кватэры, больш мы іх ня бачылі», — сказала жанчына.
Сельскія жыхары сказалі журналістам, што беларусы і ўкраінцы купілі кватэры завочна, не агледзеўшы іх загадзя. Кошт адной такой кватэры 250 эўра. Такое запушчанае жытло раскупілі ў многіх вёсках.