Лінкі ўнівэрсальнага доступу

Украінцы ставяцца да Беларусі прыкладна як да ЗША і Грузіі


Пра гэта сьведчаць вынікі апытаньня, якое правяла кампанія GfK-Ukraine на замову Center for Insights in Survey Research, праекту амэрыканскага Міжнароднага рэспубліканскага інстытуту.

Былі апытаныя 2400 рэспандэнтаў па ўсёй краіне, акрамя Крыму і кантраляваных сэпаратыстамі раёнаў Данецкай і Луганскай вобласьцяў.

Апытаньне праводзілася з 14 верасьня па 10 кастрычніка сёлета.

Сярод іншага задавалася пытаньне аб стаўленьні апытаных да розных краінаў сьвету.


Як Вы ставіцеся да наступных краінаў і саюзаў краінаў?

(у%, дадзеныя, хто устрымаўся ад адказу, не прыводзяцца)

Вельмі станоўча /станоўчаВельмі адмоўна/адмоўна
Польшча

56

4

Эўразьвяз

50

6

Канада

48

4

Літва

46

4

Нямеччына

46

5

ЗША

44

9

Беларусь

43

7

Грузія

42

5

Малдова

30

8

Расея

18

49


У дасьледаваньні прыводзяцца дадзеныя рэгулярных апытаньняў пра стаўленьне ўкраінцаў да Беларусі, пачынаючы зь верасьня 2014 году. Зь верасьня 2014 году па чэрвень 2017 году колькасьць рэспандэнтаў, якія выказвалі станоўчае і вельмі станоўчае стаўленьне да Беларусі, заўсёды перавышала 50%, найлепшыя ацэнкі былі ў лютым 2016 году, калі 58% апытаных украінцаў ацанілі паўночную суседку станоўча і вельмі станоўча.

З чэрвеня 2017 году па верасень 2017 году станоўчыя ацэнкі зьнізіліся амаль на 10 пунктаў.

Ваша меркаваньне

Паказаць камэнтары

XS
SM
MD
LG