Тысячы каталікоў з усёй Бірмы (таксама вядомай як М’янма) сабраліся ў сталіцы Рангуне (таксама вядомай як Янгон), каб вітаць папу. Чакаецца, што папа падыме пытаньне пра крызыс з мусульманамі рахінджа на сваіх сустрэчах з генэралам Мін Аун Хлаином і з грамадзянскай лідэрам краіны, ляўрэаткай Нобэлеўскай прэміі міру Аунг Сан Су Чы.
За апошнія тры месяцы больш за 620 000 мусульман рахінджа ўцяклі зь Бірмы ў Банглядэш. У Бірме, большасьць жыхароў якой будысты, мусульмане рахінджа уціскаюцца мясцовымі ўладамі. Гэтую сытуацыю Злучаныя Штаты і Арганізацыя Аб’яднаных Нацый назвалі «этнічнымі чысткамі».
У Бірме налічваецца каля 660 000 каталікоў, што складае 1,2% насельніцтва краіны. У Банглядэшы каталікі складаюць 0,2% усіх жыхараў (320 тысяч).
