Лінкі ўнівэрсальнага доступу

Польшча павялічвае выдаткі на ахову здароўя на 120 млрд эўра. Без дадатковых падаткаў для грамадзян


Cэйм Польшчы 24 лістапада прыняў закон аб павелічэньні выдаткаў на ахову здароўя да 6% ВУП да 2025 года.

Згодна з законам, расходы на ахову здароўя будуць паступова павялічвацца з дапамогай дадатковых бюджэтных датацыяў для Нацыянальнага фонду аховы здароўя, то бок без дадатковага падаткаабкладаньня насельніцтва, паведамляе Радыё Польшча.

За прыняцьце закона прагаласавалі 436 дэпутатаў, 1 быў супраць і 1 устрымаўся.

Па словах міністра аховы здароўя Польшчы Канстанты Радзівіла, на працягу 10 гадоў на ахову здароўя будзе выдзелена дадатковых каля 120 млрд эўра. Ён адзначыў, што дзякуючы новаму закону зьменшацца чэргі ў польскіх шпіталях, вырастуць заробкі мэдработнікаў, будуць выплачаныя пазыкі бальніц і закуплена новая мэдыцынская тэхніка.

Ваша меркаваньне

Паказаць камэнтары

XS
SM
MD
LG