Лінкі ўнівэрсальнага доступу

Новы прэзыдэнт Зымбабвэ прыняў прысягу. За жорсткасьць яго празвалі «кракадзілам»


Эмэрсан Мнангагва ў пятніцу прынёс прысягу ў якасьці новага прэзыдэнта Зымбабвэ, завяршыўшы 37-гадовы пэрыяд аўтарытарнага праўленьня Робэрта Мугабэ.

5 лістапада Мнангагва быў звольнены з пасады віцэ-прэзыдэнта Зымбабвэ на фоне барацьбы за месца пераемніка Мугабэ зь яго жонкай Грэйс.

Цырымонія прайшла на Нацыянальным спартыўным стадыёне ў Харарэ, які змяшчае 60 000 гледачоў. Там яго віталі радасныя натоўпы прыхільнікаў.

У Мнангагвы шчыльныя сувязі з арміяй Зымбабвэ. За жорсткасьць ён атрымаў мянушку «кракадзіл».

Мнангагва на працягу дзесяцігодзьдзяў быў верным саюзьнікам Мугабэ і адказваў за ўнутраную бясьпеку ў сярэдзіне 1980 х гадоў, калі праваабаронцы сьцьвярджалі, што ў Зымбабвэ ў выніку рэпрэсіяў загінула 20 000 жыхароў.

Ваша меркаваньне

Паказаць камэнтары

XS
SM
MD
LG