Лінкі ўнівэрсальнага доступу

Мугабэ зьявіўся на публіцы ўпершыню пасьля хатняга арышту


Робэрт Мугабэ на цырымоніі ўручэньня дыплёмаў у Адкрытым унівэрсытэце ў Харарэ 17 лістапада.

Прэзыдэнт Зымбабвэ Робэрт Мугабэ ўпершыню зьявіўся на публіцы пасьля захопу ўлады вайскоўцамі. Ён наведаў цырымонію ўручэньня дыплёмаў у Адкрытым унівэрсытэце ў Харарэ.

Мугабэ ўзяў удзел у выкананьні гімну і падняўся на сцэну ў акадэмічнай мантыі.

15 лістапада вайскоўцы захапілі ўладу ў Зымбабвэ. Яны адправілі Мугабэ пад хатні арышт і затрымалі некалькіх міністраў. Прыхільнікаў прэзыдэнта абвінавачваюць у эканамічных праблемах Зімбабвэ. Вайскоўцы заявілі, што ня робяць перавароту, а выступаюць супраць злачынцаў у атачэньні прэзыдэнта.

Мугабэ кіраваў Зымбабвэ з 1980 году. Паводле паведамленьняў з Харарэ, Мугабэ адмаўляецца пакінуць сваю пасаду і вядзе перамовы з вайскоўцамі.

Ваша меркаваньне

Паказаць камэнтары

XS
SM
MD
LG