Лінкі ўнівэрсальнага доступу

15-гадовы падлетак згубіўся ў Маладэчне. Пошукі пакуль не дазволілі


У Маладэчне шукаюць 15-гадовага Яўгена Рысіка. Падлетак зьнік 16 лістапада.

Раніцай ён пайшоў у школу, але там яго ня бачылі. Тэлефон Яўген пакінуў дома.

Сьледчыя пакуль высьвятляюць, ці мае зьнікненьне хлопца крымінальны характар, паведаміў Свабодзе кіраўнік пошукавага атраду «Анёл Паўночны-Захад» Уладзімер Кавалеўскі.

Разглядаецца таксама вэрсія, што падлетак сышоў з дому, не папярэдзіўшы бацькоў.

Пошукавыя дзеяньні пакуль не дазволены, бо вядзецца сьледчы экспэрымэнт. «Пошукавікі могуць нашкодзіць і зьнішчыць сьляды», — патлумачыў Свабодзе Ўладзімер Кавалеўскі.

Вядома, што хлопец жыве ў добрай сям’і, сварак з бацькамі ў яго не было.

Ваша меркаваньне

Паказаць камэнтары

XS
SM
MD
LG