Мінфін ЗША адзначае, што новыя санкцыі закрануць юрыдычных і фізычных асобаў, якія дзейнічаюць ад імя кубінскіх спэцслужбаў і вайскоўцаў. Сьпіс асобаў, на якіх распаўсюджваюцца санкцыі, будзе апублікаваны пазьней. Акрамя таго, амэрыканскія грамадзяне ня змогуць праводзіць фінансавыя апэрацыі з асобамі або арганізацыямі, якія трапілі пад абмежаваньні.
ЗША і Куба аднавілі дыпляматычныя адносіны ў 2015 годзе пасьля больш чым пяцідзесяці гадоў разрыву адносінаў. Аднак у верасьні Вашынгтон адклікаў 60 адсоткаў супрацоўнікаў сваёй амбасады на Кубе з прычыны пагрозы іх здароўю ў выніку акустычных нападаў. Амбасада ЗША таксама прыпыніла выдачу амэрыканскіх віз грамадзянам Кубы.