Факт зьяўленьня новага апоўзьню пацьвердзіў віцэ-міністар культуры Літвы Рэналдас Аўгусьцінавічус. «У суботу раніцай на ўсходнім схіле споўз дзірван», — паведаміў ён. Віцэ-міністар культуры адзначыў, што цяпер робяцца захады для стабілізацыі апоўзьня, паведамляе Delfi.
Гару Гедыміна ўжо ня першы раз зачыняюць для наведнікаў. Апошнім разам гэта было ў ліпені, калі ў Вільні прайшлі моцныя залевы. Тады ўрад Літвы выдаткаваў 3 мільёны эўраў на тэрміновае ратаваньне гары.
