Кіраўніца Хрысьціянска-дэмакратычнага зьвязу Нямеччыны захавала лідэрскую пазыцыю «пасьля перамогі ў жорсткай перадвыбарнай гонцы», — піша выданьне.
Forbes адзначае, што Нямеччына — чацьвёртая ў сьвеце паводле аб’ёму ВУП і самая вялікая краіна, якой кіруе жанчына. На падставе гэтага Ангела Мэркель дэ-факта называецца лідэрам Эўразьвязу, які змагаецца з палітычнымі і эканамічнымі цяжкасьцямі.
На другое месца часопіс паставіў прэм’ер-міністра Вялікай Брытаніі Тэрэзу Мэй, якая ўпершыню трапіла ў рэйтынг.
Экс-кандыдат на пасаду прэзыдэнта ЗША Гілары Клінтан, якая прайграла выбары Дональду Трампу, апусьцілася з другой пазыцыі адразу на 65-ю. Затое ўзьнялася дачка кіраўніка Белага дома Іванка — яна на 19-м радку.
У канцы шостага дзясятку разьмясьцілася прэзыдэнт Літвы Даля Грыбаўскайце.
Сярод 100 самых уплывовых жанчын ёсьць дзьве расейкі — старшыня Цэнтрабанку Эльвіра Набіуліна і галоўны рэдактар тэлеканалу Russia Today Маргарыта Сіманьян.
Беларусак у ганаровым пераліку няма.
