Лінкі ўнівэрсальнага доступу

Расея ня выдасьць Чарнагорыі абвінавачанага ў тэрарызьме


Чарнагорская паліцыя перавозіць аднаго з падазраваных у спробе дзяржаўнага перавароту ў кастрычніку 2016

Расея не выдасьць Чарнагорыі Ананіе Нікіча, бо ён атрымаў у Расеі статус уцекача і ня можа быць выдадзены.

Пра гэта паведамілі «Інтэрфаксу» ў прэс-службе Генэральнай пракуратуры Расеі 1 лістапада.

Чарнагорыя дамагаецца экстрадыцыі Нікіча, які на радзіме праходзіць у якасьці абвінавачанага па справе аб тэрарызьме і спробе дзяржаўнага перавароту ў кастрычніку 2016 году. Нікіч быў перакладчыкам апазыцыйнага «Дэмакратычнага фронту», лідэры якога таксама праходзяць па гэтай справе. У красавіку ў чарнагорскіх СМІ паведамлялася аб затрыманьні Нікіча ў Растоўскай вобласьці. У апошнія месяцы ў Чарнагорыі ідзе суд над змоўшчыкамі, якія, як лічыць сьледзтва, былі зьвязаныя з апэрацыяй па скіданьні чарнагорскага ўраду, якое рыхтавалася пры ўдзеле расейскіх структураў.

Ваша меркаваньне

Паказаць камэнтары

XS
SM
MD
LG