Рада БНР зрабіла заяву з нагоды «Дзядоў-2017» і заклікала беларусаў ушанаваць памяць ахвяраў «палітычных рэпрэсій і сацыяльных экспэрымэнтаў» у Савецкай Беларусі. Рэпрэсіі ў Беларусі пачаліся разам з пачаткам «савецкай акупацыі» і не абмяжоўваюцца 1937 годам, гаворыцца ў заяве.
У заяве сьцьвярджаецца, што пасьля распаду СССР і аднаўленьня незалежнасьці Беларусі рэпрэсіўны апарат ня быў зьнішчаны, а пасьля быў скарыстаны аўтарытарным рэжымам Аляксандра Лукашэнкі.
Паводле Рады БНР, палітычныя рэпрэсіі застаюцца фактам жыцьця сучаснай Беларусі, а палітычная адліга — ілюзіяй.
