Паводле сьледзтва, падазраваная ва ўчыненьні злачынства прыехала ў Адэсу, каб атрымаць біямэтрычны пашпарт. На брыфінгу ўвечары 31 кастрычніка ў Кіеве кіраўнік СБУ Васіль Грыцак паведаміў, што асобу затрыманай удалося ўстанавіць пры дапамозе відэа з камэраў назіраньня, на якім яна закладвала выбухоўку пад аўтамабіль Хараберуша.
Паводле Грыцака, падазраваную завуць Юлія Прасолава, яна з Данецку і «атрымала 15 тысяч даляраў за сваю працу». Кіраўнік СБУ ўдакладніў, што затрыманая была ў складзе цэнтру спэцапэрацый так званай самаабвешчанай «Данецкай народнай рэспублікі», праца якога каардынуецца Расеяй.
Палкоўнік Аляксандар Хараберуш займаў пасаду начальніка ўпраўленьня вайсковай контравыведкі СБУ Данецкай вобласьці з пачатку 2014 году. У ягоныя абавязкі ўваходзіла выяўленьне шпіёнаў у зоне баявых дзеяньняў у Данбасе. У якасьці асноўнай вэрсіі ягонага забойства сьледзтва разглядала тэракт, учынены выведна-дывэрсійнай групай.