Лінкі ўнівэрсальнага доступу

Кевіна Спэйсі пазбавілі ганаровай прэміі «Эмі» праз абвінавачваньні ў дамаганьнях


Кевін Спэйсі

Пра гэта гаворыцца ў твітэры телепрэміі. У паведамленьні адзначаецца, што рашэньне прынятае «у сьвятле апошніх падзеяў».

Цырымонія ўручэньня прэміі мелася адбыцца 20 лістапада ў Нью-Ёрку. Чакалася, што Спэйсі атрымае на цырымоніі ганаровую ўзнагароду.

Сэрыял «Картачны домік» закрылі пасьля абвінавачаньня галоўнай зоркі Кевіна Спэйсі ў дамаганьнях да непаўналетняга

30 кастрычніка актор Энтані Рэп распавёў, што Спэйсі дамагаўся яго ў 1986 годзе, калі Рэпу было 14 гадоў.

Спэйсі адказаў, што не памятае інцыдэнту з Рэпам, аднак прынёс свае прабачэньні. Разам з тым Спэйсі публічна паведаміў пра сваю гомасэксуальную арыентацыю.

30 кастрычніка відэасэрвіс Netflix абвясьціў, што ў 2018 годзе годзе выйдзе апошні сэзон сэрыяла «Картачны домік», галоўную ролю ў якім выконвае Спэйсі. «Картачны домік» — адзін з самых пасьпяховых сэрыялаў сучаснасьці і, у прыватнасьці, адзін з найважнейшых у гісторыі Netflix.

Прадстаўнікі Netflix сьцьвярджаюць, што рашэньне было прынятае некалькі месяцаў таму.

У Кевіна Спэйсі ёсьць два «Оскары» і «Залаты глёбус», які ён атрымаў за ролю ў «Картачны дамок».

Ваша меркаваньне

Паказаць камэнтары

XS
SM
MD
LG