Лінкі ўнівэрсальнага доступу

Ва Ўкраіне затрымалі сына кіраўніка МУС. Падазраюць у карупцыі


Міністар унутраных справаў Украіны Арсень Авакаў

Ва Ўкраіне затрыманыя Аляксандр Авакаў, сын міністра ўнутраных справаў краіны Арсеня Авакава, і былы намесьнік міністра Сяргей Чабатар.

Пра гэта паведамляе Украінская служба Радыё Свабода.

Раней стала вядома, што ў Аляксандра Авакава адбываецца ператрус па справе аб закупе заплечнікаў для МУС Украіны. Расьсьледаваньне гэтай справы пачалося два гады таму, пасьля публікацыі журналісцкага расьсьледаваньня. У ім сьцьвярджалася, што МУС закупляе заплечнікі праз фірмы, падкантрольныя кіраўніку ведамства і яго сыну.

Пазьней у інтэрнэце зьявілася відэа, дзе Аляксандр Авакаў нібыта дамаўляецца пра пастаўку заплечнікаў з былым намесьнікам свайго бацькі. Нацыянальнае антыкарупцыйнае бюро Украіны падазрае супрацоўнікаў МУС у растраце.

XS
SM
MD
LG