Лінкі ўнівэрсальнага доступу

Намесьнік кіраўніка гарадзенскай міліцыі зьбіў на аўтамабілі жанчыну


Намесьнік кіраўніка Гарадзенскага УУС палкоўнік Уладзімер Сацюк 26 кастрычніка зьбіў на аўтамабілі 50-гадовую жанчыну. Яна атрымала некалькі пераломаў і была шпіталізаваная. Інфармацыя пра здарэньне зьявілася на сайце «Беларускі партызан».

Паведамляецца, што, магчыма, кіроўца не заўважыў пешахода і не пасьпеў загамаваць. І што Сацюк быў цьвярозы. ДТЗ адбылося падчас дажджу.

Начальнік аддзелу інфармацыі і грамадзкіх сувязяў Яўген Дудко

Уладзімер Сацюк
Уладзімер Сацюк

пацьвердзіў Свабодзе, што здарэньне мела месца. Цяпер ідзе сьледзтва, дэталёва вывучаюцца ўсе акалічнасьці.

Палкоўнік Уладзімер Сацюк — намесьнік кіраўніка Гарадзенскага УУС ад 2009 году, ён кіруе міліцыяй грамадзкай бясьпекі.

Летась у лістападзе былы кіраўнік баранавіцкага ДАІ Андрэй Валкавыцкі насьмерць зьбіў на машыне 36-гадовую Вольгу Стралкоўскую.

Гэта здарылася ў Ляхавіцкім раёне. У сакавіку Валкавыцкага асудзілі на 7 гадоў агульнага рэжыму бяз права займаць дзяржаўныя пасады і кіраваць аўтамабілем цягам 5 гадоў. Прысуд прадугледжваў маральную кампэнсацыю сям’і забітай жанчыны — 35 тысяч рублёў.

Ваша меркаваньне

Паказаць камэнтары

XS
SM
MD
LG