Лінкі ўнівэрсальнага доступу

Галоўная незалежніцкая партыя Каталёніі гатовая ісьці на выбары, абвешчаныя Мадрыдам


Карлэс Пудждэмон

Эўрапейская дэмакратычная партыя Каталёніі, да якой належыць адстаўлены Мадрыдам кіраўнік ураду Каталёніі Карлэс Пудждемон, будзе ўдзельнічаць у пазачарговых выбарах.

Яны прызначаныя ўрадам Гішпаніі на 21 сьнежня. Пра гэта паведаміла сёньня прадстаўніца партыі Марта Паскаль. Паводле яе галасаваньне дазволіць каталёнскаму грамадзтву выказаць свае спадзяваньні.

Эўрапейская дэмакратычная партыя Каталёніі — права-лібэральная партыя, якая стала асноўнай сілай у кааліцыі прыхільнікаў незалежнасьці, створанай пасьля рэгіянальным выбараў 2015 году. З 62 дэпутатаў, якія прайшлі ў каталёнскі парлямэнт ад кааліцыі, 29 прадстаўлялі менавіта гэтую партыю.

Паводле паведамленьняў шэрагу гішпанскіх СМІ, пазбаўлены Мадрыд паўнамоцтваў кіраўніка рэгіянальнага ўраду Каталёніі Карлэс Пудждэмон сёньня выехаў з паплечнікамі з Барсэлёны ў Брусэль.

Напярэдадні генпракуратура Гішпаніі вылучыла абвінавачваньне ў дачыненьні да Пудждэмона і іншых чальцоў распушчанага Мадрыдам рэгіянальных ураду і парлямэнту Каталёніі. Лідэры сэпаратысцкага руху абвінавачваюцца ў мяцяжы, падбухторваньні да паўстаньня і злоўжываньні бюджэтнымі сродкамі. За падрыхтоўку мяцяжу гішпанскае заканадаўства прадугледжвае максымальнае пакараньне ў выглядзе пазбаўленьня волі тэрмінам на 30 гадоў.

Ваша меркаваньне

Паказаць камэнтары

XS
SM
MD
LG