Лінкі ўнівэрсальнага доступу

П’яны памачыўся ля помніку танкістам у Менску. Цяпер яму пагражае да 3 гадоў турмы


Пракуратура Менску распачала справу за зьдзек з помніка абаронцам Айчыны на падставе ч. 2 арт. 346 КК.

Як паведамілі БелаПАН у пракуратуры гораду, некалькі дзён таму група грамадзян, у тым ліку раней судзімых і часова непрацоўных, дазволілі сабе недапушчальныя паводзіны ў грамадзкім месцы.

Адзін з пʼяных забраўся на помнік абаронцам Айчыны, які разьмешчаны ля Цэнтральнага дома афіцэраў і ўвекавечвае савецкіх танкістаў, што першымі ўвайшлі ў Менск пры яго вызваленьні ад нацыстаў. Другі справіў натуральную патрэбу ля пастамэнту з танкам Т-34. Яго затрымалі АМАПаўцы і даставілі ў міліцыю.

Згаданы артыкул КК прадугледжвае грамадзкія працы, штраф, папраўчыя працы тэрмінам да двух гадоў, арышт да шасьці месяцаў або пазбаўленьне волі да трох гадоў.

Ваша меркаваньне

Паказаць камэнтары

XS
SM
MD
LG