Лінкі ўнівэрсальнага доступу

Выстаўленыя першыя абвінавачаньні ў справе расейскага ўмяшаньня ў амэрыканскія выбары


Робэрт Мюлер
Робэрт Мюлер

Спэцыяльны пракурор Робэрт Мюлер, які ўзначальвае расьсьледаваньне расейскага ўмяшаньня ў амэрыканскі выбарчы працэс, выставіў першыя абвінавачаньні, паведаміла вечарам у пятніцу тэлекампанія CNN.

Абвінавачаньні былі ўхваленыя вялікім журы прысяжных у Вашынгтоне, што лічыцца папярэднім крокам перад пачаткам судовага працэсу ў важных справах. Абвінавачаньні пакуль не апублікаваныя. У чым яны палягаюць і каму яны выстаўленыя, невядома, але, паводле дадзеных CNN, абвінавачаныя будуць узятыя пад варту ў панядзелак.

Мюлер ўзначальвае расьсьледаваньне, якое праводзіць ФБР, падчас якога вывучаецца інфармацыя аб умяшаньні расейскіх грамадзян у амэрыканскую выбарчую кампанію і выяўляюцца магчымыя сувязі людзей з перадвыбарнага штабу Дональда Трампа з прадстаўнікамі Крамля. Вядома, што сьледзтва падрабязна вывучала дзейнасьць былога кіраўніка перадвыбарчага штабу Трампа Пола Манафорта, дарадцы кандыдата Трампа Картэра Пэйджа і былога дарадцы прэзыдэнта Трампа ў пытаннях нацыянальнай бясьпекі Майкла Фліна. У полі ўвагі сьледчых ёсьць і іншыя людзі.

Сам прэзыдэнт Трамп неаднаразова заклікаў хутчэй завяршыць расьсьледаваньні, настойваючы на тым, што ні ён сам, ні людзі зь яго перадвыбарчага штабу не былі ў змове з расейскімі прадстаўнікамі і ня мелі ніякіх незаконных кантактаў з імі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG