Прэм’ер-міністар Гішпаніі Марыян Рахой заявіў пасьля каталёнскага галасаваньня за незалежнасьць, што Мадрыд «адновіць законнасьць» у Каталёніі.
«Я прашу ўсіх гішпанцаў захоўваць спакой. Вяршэнства закону адновіць законнасьць у Каталёніі», – напісаў Рахой у Тwitter.
Раней 27 кастрычніка Рахой выступаў у Сэнаце Гішпаніі, дзе папрасіў верхнюю палату даць ураду згоду на ўвядзеньне наўпроставага кіраваньня Каталёніяй і роспуск рэгіянальнага каталёнскага парлямэнту і ўраду.
Сёньня ў Мадрыдзе адбываецца пасяджэньне Сэнату Гішпаніі ў гэтым пытаньні.
Эўракамісія пакуль не камэнтуе рашэньне каталёнскага парлямэнту.
