Лінкі ўнівэрсальнага доступу

У Стамбуле пачаўся суд над праваабаронцамі Amnesty International


Ілюстрацыйнае фота. Акцыя ў падтрымку праваабаронцаў у Стамбуле, ліпень 2017 году

У Стамбуле адкрыўся судовы працэс над 11 праваабаронцамі, у тым ліку над кіраўніком мясцовага аддзяленьня міжнароднай арганізацыі Amnesty International Ідыль Эсэр і двума выкладчыкамі — зь Нямеччыны і Швэцыі.

Актывістаў затрымалі ў ліпені ў Стамбуле падчас сэмінару ў пытаньнях кібэрбясьпекі і кіраваньня інфармацыяй. Іх абвінавачваюць у сувязях з «тэрарыстычнай групоўкай», якая, на думку Анкары, арганізавала спробу дзяржаўнага перавароту ў ліпені 2016 году.

Amnesty International запатрабавала вызваліць праваабаронцаў пасьля арышту, але прэзыдэнт Турэччыны Рэджэп Эрдаган абвінаваціў арганізацыю ў падрыхтоўцы спробы новага перавароту ў краіне, спаслаўшыся на дадзеныя выведкі. Заява Эрдагана паслужыла абвастрэньню стасункаў паміж Анкарой і Эўразьвязам.

Пракуратура Турэччыны патрабуе для падсудных ад 5 да 15 гадоў турэмнага зьняволеньня. Праваабаронцы сваю вінаватасьць не прызнаюць.

Ваша меркаваньне

Паказаць камэнтары

XS
SM
MD
LG