Пасьля завяршэньня змаганьня курдзкая і арабскія байцы працягвалі расчыстку гарадзкога стадыёну ад мінаў, паведаміў Ройда Фэла, камандуючы Сырыйскіх дэмакратычных сілаў, якія вызвалілі Ракку. Афіцыйная заява пра перамогу ў Ра́цы будзе прынятая пасьля таго, як горад будзе ачышчаны ад мінаў і схаваных прыхільнікаў «Ісламскай дзяржавы».
Падзеньне Ракі, дзе «Ісламская дзяржава» праводзіла парады пасьля сваіх перамогаў у 2014 годзе, стала сымбалем паразы джыхадзісцкага руху. У гэтым годзе «Ісламская дзяржава» страціла большую частку захопленых ёй тэрыторыяў у Сырыі і Іраку, уключаючы Масул. У Сырыі джыхадзісты былі адціснутыя ў даліну Эўфрату і прылеглую пустыню.
