Лінкі ўнівэрсальнага доступу

Заробкі падвышаюцца, а рэальныя даходы — зьніжаюцца. У чым тут рэч?


Рэальныя наяўныя грашовыя даходы беларусаў па-ранейшаму зьніжаюцца. У студзені-жніўні гэты паказчык скараціўся на 0,1% да аналягічнага пэрыяду 2016 году

Пра гэта паведамляе Белстат.

Паводле Белстату, рэальныя наяўныя грашовыя даходы — гэта даходы за вылікам падаткаў, збораў і ўзносаў, скарэктаваныя на індэкс спажывецкіх цэнаў на тавары і паслугі.

Як адзначае TUT. BY, рэальныя даходы беларусаў падалі на працягу ўсяго сёлетняга году, у студзені адносна студзеня 2016 яны скараціліся на 4,5%, у студзені-лютым — на 3,2% адносна такога ж пэрыяду папярэдняга году, у студзені-сакавіку — на 2,2%, у студзені-красавіку — на 1,5%, у студзені-траўні — на 1,2%, у студзені-чэрвені — на 0,8%, у студзені-ліпені — на 0,5%.

У агульным абʼёме грашовых даходаў аплата працы займае 62,4%, даходы ад прадпрымальніцкай і іншай дзейнасьці, якая прыносіць даход, — 8,2%, трансфэрты насельніцтву (пэнсіі, дапамогі, стыпэндыі) — 24%, даходы ад уласнасьці і іншыя даходы — 5,4%.

Пры гэтым, паводле Белстату, сярэдні заробак сёлета вырас з 720 рублёў да 844 рублёў. Паводле міністра эканомікі Ўладзімера Зіноўскага, восеньню рэальныя даходы беларусаў павінны пачаць расьці.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG