Лінкі ўнівэрсальнага доступу

Улады Кітаю забаранілі публікаваць інфармацыю пра Паўночную Карэю


Жаночы ансамбль з КНДР па прыбыцьці ў Пэкін у 2015 годзе

Улады Кітаю выдалі загад, які забараняе сродкам масавай інфармацыі КНР публікаваць дакладную інфармацыю пра ядзерныя і ракетныя пытаньні Паўночнай Карэі. Пра гэта ў нядзелю паведаміла японскае агенцтва Кіёда са спасылкай на крыніцы. Загад накіраваны на прадухіленьне і без таго высокай напружанасьці ў адносінах з Паўночнай Карэяй і недапушчэньне эскаляцыі да і падчас зьезду Камуністычнай партыі Кітаю, які мае адбыцца ў сераду.

Пасьля таго, як Паўночная Карэя правяла сваё шостае і самае магутнае ядзернае выпрабаваньне 3 верасьня, кітайскім кіраўнікам мас-мэдыяў паведамілі, што навінныя сюжэты Паўночнай Карэі павінны ў асноўным адпавядаць паведамленьням афіцыйных СМІ краіны. Магутны прапагандысцкі апарат Кампартыі Кітаю заклікаў кіраўнікоў забясьпечыць, каб навінныя сюжэты пра Паўночную Карэю не пагаршалі грамадзкае расчараваньне і прасілі, каб матэрыялы не асьвятляліся занадта падрабязна, нават калі яны заснаваныя на арыгінальнай інфармацыі.

Кітайская крыніца заявіла, што пасьля вынясеньня загаду публікацыя ўсіх падрыхтаваных артыкулаў пра Паўночную Карэю мусіць быць адмененая незалежна ад іх зьместу.

Выпрабаваньні зброі ў Паўночнай Карэі сёлета супалі з ключавымі палітычнымі падзеямі ў Кітаі. Шостае ядзернае выпрабаваньне адбылося ўсяго за некалькі гадзін да пачатку саміту так званых краін БРІКС — Бразыліі, Расеі, Індыі, Кітаю і Паўднёвай Афрыкі, арганізаванага прэзыдэнтам Кітаю Сі Цзіньпінам у горадзе Сямынь.

XS
SM
MD
LG