У бацькі былога першага намесьніка генэральнага пракурора Ўкраіны падчас ператрусу знайшлі рыдлёўку з чыстага золата.
Фатаздымак рыдлёўкі апублікавала ў Фэйсбуку прэсавая сакратарка генпракурора Ўкраіны Ларыса Сарган.
Былога намесьніка генэральнага пракурора пры Віктару Януковічу Рэната Кузьміна абвінавачваюць у розных маёмасных злачынствах. Яго аб’явілі ў вышук. Кузьмін лічыць свой перасьлед палітычным.
У 2014 годзе пасьля ўцёкаў з Украіны Віктара Януковіча ў ягонай рэзыдэнцыі знайшлі залаты батон.