Лінкі ўнівэрсальнага доступу

Міхэіл Саакашвілі папрасіў палітычнага прытулку ва Ўкраіне, паведаміў агенцтву УНІАН Маркіян Галабала, адвакат былога кіраўніка Адэскай вобласьці.

Паводле яго, яшчэ 11 верасьня Саакашвілі зьвярнуўся ў Дзяржаўную міграцыйную службу Ўкраіны для атрыманьня статусу асобы, якая мае патрэбу ў дадатковай абароне.

Адвакат падкрэсьліў, што міграцыйная служба не дала адказу на запыт Саакашвілі. Абарона былога кіраўніка Адэскай вобласьці ўжо абскардзіла ў судзе бязьдзейнасьць службы. У Міністэрстве юстыцыі Ўкраіны паведамілі, што канчатковае рашэньне аб экстрадыцыі Саакашвілі яшчэ не прынятае.

У канцы верасьня суд у Львоўскай вобласьці прызнаў былога кіраўніка Адэскай вобласьці вінаватым у незаконным перасячэньні мяжы Ўкраіны і прызначыў яму штраф. 10 верасьня Міхэіл Саакашвілі пры падтрымцы сотняў сваіх прыхільнікаў перасёк польска-ўкраінскую мяжу.

У канцы ліпеня прэзыдэнт Пятро Парашэнка пазбавіў Саакашвілі ўкраінскага грамадзянства за тое, што той у свой час не паведаміў пра крымінальны перасьлед у Грузіі.

XS
SM
MD
LG