Лінкі ўнівэрсальнага доступу

Ужо сёньня: дзень народзінаў Ніла Гілевіча


Адзін з апошніх фатаздымкаў Ніла Гілевіча

Падзеі 30 верасьня ў беларускай і сусьветнай гісторыі.

Дата дня

30 верасьня 1931 году нарадзіўся Ніл Гілевіч, народны паэт Беларусі.

Ніл Гілевіч
Ніл Гілевіч

Таксама ў гэты дзень

1452 — Ян Гутэнбэрг выдаў першую друкаваную кнігу, якая атрымала назву «Біблія Гутэнбэрга».

1939 — Уладзіслаў Сікорскі ўзначаліў польскі эмігранцкі ўрад (у Францыі).

1965 — у выніку путчу лідэр Інданэзіі Сукарна адхілены ад улады, кіраўніком краіны стаў генэрал Сухарта.

1999 — пачалася другая вайна ў Чачні.

2005 — у дацкай газэце Jyllands-Posten апублікаваныя карыкатуры на прарока Мухамада, што выклікала рэзкія пратэсты і беспарадкі ў мусульманскім сьвеце.

У гэты дзень нарадзіліся

1728 — Марцін Пачобут-Адлянецкі, беларускі вучоны-асьветнік, астраном, адзін з заснавальнікаў і першы дырэктар Віленскай астранамічнай абсэрваторыі.

1882 — Ганс Вільгельм Гейгер, нямецкі фізык, вынаходнік лічыльніка ўзроўню радыеактыўнасьці.

1892 — Зоська Верас, беларуская пісьменьніца і грамадзкая дзяячка. Адна з пачынальніц беларускага адраджэнскага руху, пад псэўданімам Мірко друкавалася ў 1911 годзе ў «Нашай Ніве», актыўная ўдзельніца падзеяў беларускай гісторыі часоў БНР.

У памяці

1934 — Мітрафан Доўнар-Запольскі, беларускі гісторык, этнограф, эканаміст

1939 — Уладзіслаў Сівы-Сівіцкі, беларускі паэт.

1992 — Мікалай Бірыла, беларускі мовазнаўца.

1999 — Дзьмітры Ліхачоў, расейскі філёляг, акадэмік, перакладчык на сучасную расейскую мову «Слова пра паход Ігараў», «Аповесьці мінулых гадоў» і многіх іншых помнікаў старажытнарускай літаратуры.

XS
SM
MD
LG