Лінкі ўнівэрсальнага доступу

easyJet плянуе пачаць выкарыстаньне электрасамалёта


Брытанскі бюджэтны авіяперавозьнік easyJet плянуе пачаць выкарыстаньне самалётаў з электрычнымі рухавікамі — Airbus A320 neo. Пра гэта гаворыцца ў паведамленьні, апублікаваным на сайце авіякампаніі.

easyJet будзе выкарыстоўваць электрасамалёту на адлегласьці каля 500 кілямэтраў. Напрамкі з такой далёкасьцю палёту складаюць 20 адсоткаў ад усіх рэйсаў авіякампаніі, паведамляе Reuters.

Над стварэньнем экалягічнага самалёта easyJet працуе з амэрыканскім стартапам Wright One. Кампаніі запэўніваюць, што новы самалёт будзе на 50 адсоткаў цішэйшы, а яго абслугоўваньне будзе на 10 адсоткаў таньнейшае. Паводле інфармацыі easyJet, у масавую эксплюатацыю электрасамалёты паступяць на працягу 10 гадоў.

XS
SM
MD
LG