Лінкі ўнівэрсальнага доступу

Выбухі ва Ўкраіне: урад заяўляе пра «вонкавыя фактары» і «расейскую дывэрсію»


На месцы здарэньня

Прэм’ер-міністар Украіны Ўладзімір Гройсман 27 верасьня заявіў, што сярод вэрсіяў прычын выбухаў на складах зброі ў Калінаўцы Віньніцкай вобласьці Ўкраіны, «верагодна, гаворка ідзе пра вонкавыя фактары». Так урадавая прэс-служба перадае словы Гройсмана, які знаходзіцца ў Вінніцкай вобласці.

Ўладзімір Гройсман
Ўладзімір Гройсман

«Зрэшты, гэта будуць камэнтаваць кампэтэнтныя органы. Цяпер галоўнае — паклапаціцца пра бясьпеку людзей і максымальна хутка пераадолець наступствы здарэньня», — адзначыў прэм’ер.

Дарадца міністра ўнутраных спраў Заран Шкірак перакананы, што «гэта варожая расейская дывэрсія, учыненая на непасрэдны загад Пуціна».

«Вядома, будзе створаная дзяржаўная сьледчая камісія, праведзены дэталёвы аналіз і дбайнае сьледзтва, а ўжо пасьля гэтага будуць зробленыя канчатковыя высновы і высьветленая прычына. Але дзень (26 верасьня — дзень нараджэньня прэзыдэнта Ўкраіны Пятра Парашэнкі. — РС) і месца (Віньніцкая вобласьць), у якім адбылося гэта надзвычайнае здарэньне, асабіста мне падказваюць, што такія супадзеньні наўрад ці бываюць», — піша Шкірак у Facebook.

Паводле паведамленьня Нацыянальнай паліцыі Ўкраіны, на працягу ночы з Калінаўкі і суседніх вёсак Віньніцкай вобласьці эвакуявана каля 30 000 чалавек. Паводле папярэдняй інфармацыі, у выніку выбухаў у Калінаўцы траўмаваны 1 чалавек. Ліквідацыя пажару ў Калінаўцы працягваецца.

У Калінаўцы Віньніцкай вобласьці ўвечары 26 верасьня на 48-м арсэнале вайсковай часткі А1119 пачалі выбухаць артылерыйскія склады. Паводле зьвестак мясцовых жыхароў, гэта пачалося каля 21 гадзіны.

Ваша меркаваньне

Паказаць камэнтары

XS
SM
MD
LG