Польскія дэпутаты працуюць над адпаведным праектам, паведамляе Радыё Польшча.
Палітык адзначыў, што зьмены павінны закрануць, сярод іншага, фінансавыя пытаньні. На думку Кавальчыка, павелічэньню падлягае сума жыльлёвай дапамогі рэпатрыянтам, якая ў цяперашні час складае 25 тысяч злотых (5880 эўра).
«Калі Сэйм пагодзіцца, то такая дапамога складзе 50 тысяч злотых на аднаго чалавека, 75 тысяч — на дваіх. Гэта значна спросьціць набыцьцё кватэры або аплату за арэнду», — заявіў Гэнрык Кавальчык.
Верагоднасьць, што папраўкі будуць прынятыя, вельмі вялікая. Зьмены ў закон аб рэпатрыянтах уносіць кіроўная партыя «Права й Справядлівасьць», якая валодае большасьцю ў парлямэнце.
Польскі закон аб рэпатрыяцыі датычыць грамадзян краін Каўказу і Азіі, і азіяцкай часткі Расеі. Беларусаў закон не закранае.