Лінкі ўнівэрсальнага доступу

«Кубак Свабоды» заваявалі футбалісты Партыі БНФ


Аляксей Янукевіч (ПБНФ) і Анатоль Лябедзька (АГП)

Пераможцам турніру па футболе «Кубак Свабоды» памяці памерлага беларускага палітыка Генадзя Карпенкі, які сёлета праводзіўся 20-ты раз, стала каманда Партыі БНФ.

«Турнір праводзіцца ўжо 20 гадоў. Гэта сур’ёзная гісторыя, былі бітвы і жарсьці. Мы другі год прайграем ў фінале па пэнальці. Гэтым раз Партыі БНФ. Але нічога, мы згулялі добра», — сказаў агенцтву БелаПАН старшыня Аб’яднанай грамадзянскай партыі Анатоль Лябедзька.

Трэцяе месца ў турніры заняла каманда руху «Беларускі рух».

Лябедзька адзначыў, што першапачаткова правядзеньне турніру плянавалася на некалькі тыдняў раней, «аднак, нягледзячы на пералічаныя грошы, у яго правядзеньні было адмоўлена».

Палітык сказаў, што правядзеньне турніру зарадзілася ня 20 гадоў таму, а раней. У ім, адзначыў ён, гуляў і сам Генадзь Карпенка, а таксама зьніклы палітык Віктар Ганчар і вядомыя ў мінулым футбалісты.

Сёньня ў турніры гулялі восем каманд: АГП, Партыі БНФ, Беларускай асацыяцыі журналістаў, Беларускай партыі «Зялёныя», руху «Беларускі рух», руху «За Свабоду», сацыял-дэмакратаў і аргкамітэту па стварэньні партыі «Беларускія хрысьціянскія дэмакраты».

Правядзеньне турніру будзе працягнутае і ў наступным годзе. «Мне гэта ўсё падабаецца. Многія турнірам цікавяцца», — сказаў Лябедзька.

Турнір «Кубак Свабоды» праводзіцца з 1997 году. Спаборніцтвы былі прымеркаваныя да прыняцьця Дэклярацыі аб сувэрэнітэце Рэспублікі Беларусь, і ў іх актыўна ўдзельнічаў сам Генадзь Карпенка. Пасьля сьмерці палітыка, які быў намесьнікам старшыні АГП, турнір назвалі яго імем.

Генадзь Карпенка памёр 6 красавіка 1999 году ў веку 49 гадоў праз тыдзень пасьля таго, як перанёс інсульт. Раптоўная сьмерць апазыцыйнага палітыка выклікала шмат пытаньняў, якія дагэтуль застаюцца без адказу.

Глядзець камэнтары (5)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG