Лінкі ўнівэрсальнага доступу

Трамп падтрымаў разьмяшчэньне міратворцаў ААН на Данбасе


Сустрэча прэзыдэнтаў Украіны і ЗША, Нью-Ёрк, 21 верасьня 2017

Прэзыдэнт Украіны Пятро Парашэнка і прэзыдэнт ЗША Дональд Трамп правялі сустрэчу ў ходзе Генэральнай Асамблеі ААН у Нью-Ёрку.

Па словах Трампа, з моманту апошняй сустрэчы з Парашэнкам у чэрвені Украіна дасягнула значнага прагрэсу. Прэзыдэнт ЗША заўважыў, што жыцьцё ва Украіне «становіцца лепшым», а міжнародныя кампаніі бачаць ва ўкраінскім рынку вялікі патэнцыял.

Парашэнка высока ацаніў супрацоўніцтва Украіны і ЗША ў сферы бясьпекі і абароны, а таксама адзначыў рост тавараабароту паміж дзьвюма краінамі.

На брыфінгу пасьля сустрэчы Парашэнка таксама заявіў журналістам, што Трамп падтрымаў ініцыятыву па разьмяшчэньні ў зоне канфлікту на ўсходзе Украіны міратворчай місіі ААН, у тым ліку ўздоўж расейска-ўкраінскай мяжы.

Ваша меркаваньне

Паказаць камэнтары

XS
SM
MD
LG