Лінкі ўнівэрсальнага доступу

119 беларускіх музычных альбомаў за паўгода — экспэрты назвалі найлепшых


Музычны аналітычны праект Experty.by апублікаваў рэйтынг найлепшых альбомаў за першыя шэсьць месяцаў 2017 году.

  1. Tonqixod — «Колер, якога няма»;
  2. Autonomicon — «Icarus Messerschmitt»;
  3. Blaine Rohmer — «Promise Of Autumn»;
  4. ЛСП — «Tragic City»;
  5. Zero-85 — «Turritopsis Nutricula»;
  6. Weed & Dolphins — «Islandkid Cassette»;
  7. «Её ослепительное сияние» — «Квантавае сэрцайка»;
  8. Nizkiz — «Сіноптык»;
  9. Naviband — «Ілюмінацыя»;
  10. Buben Naruszewicz Baisan — «Bulbahuana».

«Цяпер кожны можа зрабіць усё сам»

Свабода папрасіла кіраўніка праекту Зьмітра Бескаравайнага патлумачыць не для экспэртаў, а для шырокага кола чытачоў, як за поўгода зьяўляецца больш за сто музычных праектаў, якая агульная тэндэнцыя ў сучаснай беларускай музыцы.

«Я памятаю часы, калі мы гаварылі пра 50-60 беларускіх рэлізаў на год — і ўсе зьдзіўляліся. Лічба колькасьці музычных рэлізаў будзе толькі павялічвацца. Раней якасны запіс можна было зрабіць толькі ў дарагой студыі. А яшчэ дыск надрукаваць трэба было. Цяпер кожны можа зрабіць

Раней якасны запіс можна было зрабіць толькі ў дарагой студыі. Цяпер кожны можа зрабіць усё сам ці з дапамогай сяброў, а потым выкласьці ў сацсеткі

усё сам ці з дапамогай сяброў, а потым выкласьці ў сацсеткі, — кажа Зьміцер Бескаравайны. — Зразумела, што якаснай такая колькасьць музыкі быць ня можа. І прадрацца слухачу праз такую колькасьць матэрыялу складана. Але з другога боку, гэта шанец для таленавітых заявіць пра сябе безь бюджэтаў, атрымаць пэўны розгалас. А каб ня слухаць 119 альбомаў, можна проста паглядзець рэйтынг „Экспэртаў“ ці яшчэ якія больш вузкія сайты па адпаведнай стылістыцы».

Паводле экспэрта, дэталізаванай аналітыкі няма, але відаць, што ў Беларусі дагэтуль у асноўным дамінуе гітарная музыка: ад пап-року да мэталу. Але паступова набірае моц індзі-поп і электроніка.

«Мяркуем, што галоўны цэнтар актыўнасьці — Менск. Але ў інтэрнэт-часы і абласныя цэнтры сталі больш актыўнымі. На 95% гэта індзі-музыка – артысты, якія самі сябе прасоўваюць, запісваюць і, хутчэй за ўсё, маюць нейкую іншую працу паралельна», — кажа Бескаравайны.

Як працуюць Experty.by

Праект Experty.by існуе дзесяты год. Схема працы — чатыры штатныя крытыкі, якія працуюць цягам аднаго году. Вынікі падводзяцца два разы: за паўгода і за ўвесь год.

Экспэрты працуюць на энтузіязьме, а прызы, якія ўручаюцца пераможцам году, забясьпечвае спонсар. Да падвядзеньня гадавых вынікаў далучаюцца тры дадатковыя журы: вялікае — каля 15 беларускіх музычных журналістаў, замежнае — з краінаў, зь якімі мяжуе Беларусь, і народнае журы — карыстальнікі сайту Experty.by, якія ацанілі ня менш за 15% рэлізаў за год. Разам у сярэднім больш за 70 экспэртаў.

Цяпер на сайце Experty.by месьціцца рэцэнзій на больш як 500 альбомаў. Каля 400 зь іх можна праслухаць.

Ваша меркаваньне

Паказаць камэнтары

XS
SM
MD
LG