У санкцыйны сьпіс уключаныя сем іранскіх грамадзян, дзьве базаваныя ва Украіне кампаніі, якія, паводле Вашынгтону маюць дачыненьне да ядзернай праграмы Тэгерану, і дзьве іранскія кампутарныя сеткі, якія абвінавацілі ў хакерскіх нападах на Міністэрства фінансаў ЗША.
З гэтага моманту замарожаныя ўсе іх амэрыканскія актывы і маёмасьць, а грамадзянам ЗША забаронена ўступаць з імі ў дзелавыя кантакты.
Вашынгтон абвінавачвае Іран у таемных спробах вырабіць ядзерную зброю — у парушэньне «ядзернага пагадненьня» Тэгерану і шасьці вядучых дзяржаў сьвету, падпісанага ў 2015 годзе.