Выступаючы перад сваімі прыхільнікамі, якія сабраліся 13 верасьня ў Чарнаўцах на захадзе Украіны, былы губэрнатар Адэскай вобласьці і экс-прэзыдэнт Грузіі Міхэіл Саакашвілі сказаў, што да свайго прыезду ў Кіеў мае намер наведаць іншыя гарады краіны.
Саакашвілі заявіў, што плянуе зьявіцца ў Кіеве 19 верасьня. Ён дадаў, што хоча дапамагчы Украіне «пераадолець палітычны крызыс».
12 верасьня ўкраінскія ўлады перадалі Саакашвілі выклік у суд Львоўскай вобласьці, дзе 18 верасьня будзе слухацца справа аб яго незаконным ўезьдзе ў краіну. 10 верасьня палітык — пры падтрымцы сотняў свае прыхільнікаў — перасек польска-ўкраінскую мяжу.