Лінкі ўнівэрсальнага доступу

Беларусь — на 117-м месцы ўва ўсясьветным рэйтынгу дабрачыннасьці


"Сад надзеі" імя Генадзя Грушавога, які пасадзіў дабрачынны фонд «Дзецям Чарнобыля»

Міжнародны фонд Charities Aid Foundation (CAF) апублікаваў чарговы рэйтынг дабрачыннасьці ў 2017 годзе.

Для вызначэньня рэйтынгу былі апытаныя 146 тысячаў чалавек у 139 краінах.

Падчас правядзеньня апытаньня рэспандэнты адказвалі на тры пытаньні:

— ці ахвяравалі яны ў апошні месяц грошы на дабрачыннасьць,

— ці займаліся яны валянтэрскай дзейнасьцю,

— ці дапамагалі яны незнаёмаму чалавеку ў нядолі.

Памер ахвяраваньняў, а таксама частата аказаньня дапамогі ў апытаньні не ўлічваліся.

Найбольш схільнымі да дабрачыннасьці аказаліся жыхары Мʼянмы, найменш — жыхары Кітаю і Емэну.

Беларусы апынуліся ў другой палове рэйтынгу — на 117-м месцы, бліжэй да канца. З суседзяў Беларусі больш схільнымі да дабрачыннасьці аказаліся ўкраінцы (90-е месца) і палякі (105-е месца), Менш шчодрымі на дапамогу паказалі сябе расейцы (124-е месца), латвійцы (131-е месца) і літоўцы (137-е месца).

У дзесятку найбольш спачувальных народаў трапілі інданэзійцы, кэнійцы, новазэляндцы, амэрыканцы, аўстралійцы, канадыйцы, ірляндцы, жыхары Абʼяднаных арабскіх эміратаў і галяндцы.

Ваша меркаваньне

Паказаць камэнтары

XS
SM
MD
LG