Лінкі ўнівэрсальнага доступу

Як у Менску хрысьцілі армянаў. ФОТА

10 верасьня ў Менску хрысьцілі вернікаў Армянскай апостальскай царквы, якая дагэтуль ня мае ў Беларусі свайго храма. Паводле перапісу 2009 году, у Беларусі пражывае 8 512 армянаў. Дыяспара згуртаваная, мае культурна-асьветніцкія аб’яднаньні і ўласныя выданьні.

Армяне належаць да асобнай канфэсіі – Армянскай апостальскай царквы, якая вядзе гісторыю ад хросту Армэніі ў 301 годзе. Камітэт у справах рэлігіяў і нацыянальнасьцяў Беларусі зарэгістраваў рэлігійнае аб’яднаньне Армянскай апостальскай царквы. Але дазвол на пабудову храма так і ня быў выдадзены.

Таму чальцы армянскай дыяспары зь Беларусі езьдзяць у іншыя краіны, каб наведаць царкву. А ў Беларусь прыяжджаюць запрошаныя сьвятары, каб чыніць абрады.

Сьвятар Армянскай апостальскай царквы Эдгар Аміран Тэр Сэпух ахрысьціў у Менску больш за два дзясяткі чалавекі. Ня толькі этнічных армянаў, але і тых, хто ў шлюбе зь імі. На цырымоніі прысутнічаў амбасадар Арменіі ў Беларусі Алег Есаян.

Усе набажэнствы ў армянскай царкве адбываюцца на старажытнаармянскай мове, таму сьвятар шмат што тлумачыў прысутным на сучаснай армянскай.

Сьведкам абраду хрышчэньня стаў фотакарэспандэнт Павал Хадзінскі.
Паказаць яшчэ

Сьвятар Армянскай апостальскай царквы Эдгар Аміран Тэр Сэпух
1

Сьвятар Армянскай апостальскай царквы Эдгар Аміран Тэр Сэпух

2
3
4
5
6
7
8
9
10
На цырымоніі прысутнічаў амбасадар Арменіі ў Беларусі Алег Есаян
11

На цырымоніі прысутнічаў амбасадар Арменіі ў Беларусі Алег Есаян

12
13
14
15
16
17
18
XS
SM
MD
LG