Лінкі ўнівэрсальнага доступу

У Расеі — адзіны дзень галасаваньня; выбары праходзяць у 82 рэгіёнах


Выбарчы ўчастак, архіўнае фота

Будуць абраныя 16 губэрнатараў — у тым ліку ў анэксаваным Севастопалі, — а таксама пройдуць дзесяткі мясцовых рэфэрэндумаў.

У Маскве пачаліся выбары муніцыпальных дэпутатаў. У ноч на нядзелю стала вядома пра затрыманьне кандыдата ў муніцыпальныя дэпутаты Галіны Калінінай. Паведамляецца, што яе падазраюць у правядзеньні агітацыі ў «дзень цішыні», які быў у суботу. Сама Калініна паскардзілася на неабгрунтаванае прымяненьне сілы паліцыянтам.

Напярэдадні мэр Масквы Сяргей Сабянін абвясьціў аб звальненьні кіраўнікоў управы раёна Нова-Перадзелкіна за «грубыя парушэньні». Перад гэтым на гостынгу YouTube зʼявіўся запіс, на якім намесьнік кіраўніка ўправы Святлана Антонава абмяркоўвае плянаваную перамогу сваіх «прыхільнікаў» на муніцыпальных выбарах і ўручае прадстаўнікам выбарчых камісій капэрты з «узнагародай».

У мінулы чацьвер газэта «Ведамасьці» паведаміла са спасылкай на ўласныя крыніцы, што Маскоўская мэрыя вырашыла зьвесці да мінімуму асьвятленьне будучых муніцыпальных выбараў. Раней рух у абарону правоў выбаршчыкаў «Голас» таксама заяўляў пра выкарыстаньне адміністрацыйнага рэсурсу гарадзкімі ўладамі.

XS
SM
MD
LG