64 гады таму была падпісаная дэклярацыя аб адмове Польскай Народнай Рэспублікі ад далейшых нямецкіх ваенных рэпарацыяў.
Па словах Зайбэрта, Бэрлін цалкам прызнае адказнасьць за «неверагодныя злачынствы» нацысцкай Нямеччыны падчас Другой сусьветнай вайны, аднак Польшчы ўжо выплачаныя значныя кампэнсацыі за нанесеныя страты.
Цяперашні кансэрватыўна-нацыяналістычны ўрад Польшчы аспрэчвае пагадненьне ад 1953 года, заяўляючы, што яно ня мае законнай сілы, паколькі было падпісана пад ціскам Савецкага Саюза. У канцы жніўня польская прэмʼер-міністар Шыдла заявіла, што краіне не была кампэнсаваная шкода, прычыненая падчас Другой сусьветнай вайны.