Лінкі ўнівэрсальнага доступу

Мэркель заявіла, што ня бачыць Турэччыну ў Эўразьвязе


Канцлер Нямеччыны Ангела Мэркель заявіла, што ня бачыць Турэччыну ў складзе Эўразьвязу. Пра гэта сама канцлер паведаміла падчас выступу на перадвыбарных тэледэбатах.

Мэркель падкрэсьліла, што ўлады Нямеччыны ня могуць у аднабаковым парадку перапыніць перамовы аб уступленьні Турэччыны ў ЭЗ, але маюць намер зрабіць больш жорсткіми эканамічныя захады ў адказ на арышт нямецкіх грамадзян. Паводле дадзеных нямецкай прэсы, у турэцкіх турмах цяпер утрымліваюцца 10 палітвязьняў зь Нямеччыны.

Раней пра немагчымасьць далучэньня да ЭЗ для Турэччыны, пакуль ва ўладзе знаходзіцца прэзыдэнт Рэджэп Эрдаган, заявіў міністар замежных справаў Нямеччыны Зігмар Габрыэль.

Ваша меркаваньне

Паказаць камэнтары

XS
SM
MD
LG