Лінкі ўнівэрсальнага доступу

Падчас паказальных выступаў у Падмаскоўі разьбіўся Ан-2, ёсьць ахвяры


Самалёт Ан-2, ілюстрацыйнае фота

Самалёт Ан-2 разьбіўся падчас паказальных выступаў у падмаскоўнай Балашысе. Пра гэта «Інтэрфаксу» паведамілі ў экстраных службах

«У прыгарадзе Балашыхі ў суботу праводзяцца паказальныя палёты, прымеркаваныя да юбілею выпуску першага самалёту Ан-2. Падчас аднаго з выступаў пілёт ня справіўся з кіраваньнем і на нізкай вышыні самалёт сутыкнуўся зь зямлёй», — піша агенцтва.

Падчас выкананьня складанай фігуры пілятажу самалёт зачапіў крылом паласу і пацярпеў крушэньне. Пасля падзеньня ён разваліўся на часткі і загарэўся.

Паводле папярэдніх зьвестак, самалёт упаў на паласу перад гледачамі, загінулі два чалавекі, якія знаходзіліся на борце. Іншыя асобы не пацярпелі.

XS
SM
MD
LG