Лінкі ўнівэрсальнага доступу

Дзень «іншага гораду». Як пашырыць грамадзкія прасторы звыклага месца


"Мой горад старажытны, малады", аўтар Май Данцыг
"Мой горад старажытны, малады", аўтар Май Данцыг

Пэрформанс зь нечаканымі прапановамі да насельнікаў Кастрычніцкай вуліцы Менску, дыскусія пра разнастайнасьць памяці ў далейшым лёсе Курапатаў, ператварэньне закінутай гарадзенскай пусткі ў інклюзіўную прастору.

Па-новаму зірнуць на горад і яго навакольле, разам падумаць пра тое, наколькі іншымі яны могуць быць, запрашае 9 верасьня школа «Гарадзкія грамадзкія прасторы: устойлівае разьвіцьцё».

Адукацыйная праграма арганізаваная «Лятучым Унівэрсытэтам» у партнэрстве з таварыствам «Зялёная сетка», альманахам «Гарадзкія тактыкі», «Архітэктурным бюро 35» і беларускай партыяй «Зялёныя». Школа ладзіць другі выпуск. Сёлета асноўным зьместам праграмы стала канцэпцыя «Зялёны горад».

Выпускнікі школы — маладыя архітэктары, урбаністы, грамадзкія актывісты — прэзэнтуюць вынікі групавой дасьледніцкай практыкі і ўласныя праекты разьвіцьця грамадзкіх прастораў.

Прэзэнтацыя прадугледжвае актыўную дыскусію і будзе праходзіць у прасторы «ЦЭХ» на вуліцы Кастрычніцкай, 16.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG