— Гэты канцэрт — доўгачаканая падзея для ўсіх прыхільнікаў Лявона Вольскага. Таму я ня бачу ў такім ажыятажы нічога дзіўнага, —пракамэнтаваў арганізатар мерапрыемства Ўладзімір Плавінскі.
«Белая яблыня грому» — знакавая праца Вольскага на вершы беларускіх клясыкаў. Дыск выйшаў увесну 2010-га, быў прадстаўлены на канцэртах у Менску і на фэсце Be2gether у Літве. Пасля яго і пачалася паўза ў вялікіх выступах музыкі на радзіме — паслухаць Вольскага можна было толькі на невялікіх паўпадпольных імпрэзах.
Лявон Вольскі «Белая яблыня грому» (live 2010):
— Выступы ў Менску заўжды асаблівыя і асабістыя. Будзем граць «Белую яблыню грому» і найлепшыя песьні розных часоў — два вялікія аддзяленьні, — апісаў канцэрт Лявон Вольскі на сваёй старонцы ў Facebook.
Продаж адбываецца праз касы і сыстэму Kvitki.by, сайт Primehall.by і касы Prime Hall (ГЦ «Замак»).
