Лінкі ўнівэрсальнага доступу

Кіраўнік МЗС Нямеччыны: пачынаецца «халодная вайна 2.0»


Міністар замежных справаў Нямеччыны Зыгмар Габрыэль

Зыгмар Габрыэль заклікаў не разглядаць міжнароднае супрацоўніцтва як «арэну для спаборніцтваў». Паводле кіраўніка МЗС Нямеччыны, для Трампа і Пуціна на першым месцы стаіць ня сіла закону, а права сілы.

Міністар замежных справаў Нямеччыны Зыгмар Габрыэль заклікаў не разглядаць міжнароднае супрацоўніцтва як «арэну для правядзеньня спаборніцтваў». «Мы знаходзімся ў цэнтры» халоднай вайны 2.0 «, - заявіў нямецкі сацыял-дэмакрат у інтэрвію газэце Bild, апублікаваным у суботу, 26 жніўня. На думку Габрыэля, сьвет стаіць на парозе новай гонкі ўзбраеньняў як на Ўсходзе, так і на Захадзе, паведамляе Deutsche Welle.

Для прэзыдэнтаў Расеі і ЗША Уладзіміра Пуціна і Дональда Трампа важная, перш за ўсё, барацьба, лічыць кіраўнік нямецкага вонкавапалітычнага ведамства. Галоўны прыярытэт для іх — не справядлівасьць і сіла закону, а права моцнага, зазначыў ён далей. «Сьвет — як арэна для правядзеньня спаборніцтваў^; на ёй паважаюць толькі таго, хто дэманструе сілу. Гэта небясьпечная тэндэнцыя», — дадаў віцэ-канцлер Нямеччыны.

Гаворачы аб блізкіх выбарах у бундэстаг, прадстаўнік Сацыял-дэмакратычнай партыі Нямеччыны абвінаваціў канцлера ФРГ Ангелу Мэркель у саступках Трампу ў пытаньні павелічэньня выдаткаў на абарону і ўзбраеньне. «Я лічу, гэта вялікая памылка», — падкрэсьліў ён.

Парлямэнцкія выбары ў Германіі пройдуць 24 верасьня. Асноўная барацьба разгорнецца паміж сацыял-дэмакратамі і блёкам кансэрватыўных партый ХДС/ХСС, які прадстаўляе Мэркель. Перадвыбарчыя апытаньні сьведчаць аб значнай перавазе кансэрватараў.

Ваша меркаваньне

Паказаць камэнтары

XS
SM
MD
LG