Ініцыятыва правядзеньня асамблеі, заяўляюць у партыі, «выкліканая пагрозай незалежнасьці Беларусі» ў сувязі з правядзеньнем беларуска-расейскіх вайсковых вучэньняў «Захад-2017» і «неабходнасьцю абмеркаваць лёс і будучыню Радзімы».
Правядзеньне асамблеі таксама зьвязана з 26-й гадавінай наданьня Дэклярацыі аб дзяржаўным сувэрэнітэце Беларускай Савецкай Сацыялістычнай Рэспублікі статусу канстытуцыйнага закону. Дату 25 жніўня 1991 года ў КХП-БНФ лічаць «найвялікшай датай нашай найноўшай гісторыі».
Лідэры большасьці апазыцыйных палітычных партый вырашылі праігнараваць мерапрыемства, адзначае БелаПАН.